ربنا يحفظنا ... للشاعر ابراهيم حمدان

ربنا يحفظنا
شهر رمضان مبارك والناس فيه سهرانا
بس العام مختلف كل الناس زعلانا
لما كورونا صار في وسطنا ومعانا
بندعي ربنا يحفظنا من كورونا ويرعانا
يا تري الدنيا لسه هيه اللي شغلانا
نطهر جسدنا وننسي أعمالنا ونسيب قلوبنا عريان
ونساعد عدونا بكل ما عندنا حتي تعبنا وشقانا
وصارت حياتنا مشغوله علي طول ولهيانا
ونقتل بعضنا من غير ذنب رغم ربنا وصانا
قتل النفس محرمة حتي ولو في يوم آذانا
الجراح زادت والدم سال من كتر قتلانا
ياريت نفوق ونتصالح مع بعض بس من جوانا
كفايه بقي خصام يا تري كورونا وجودها صحانا
ولا القلوب أغلقت وماتت وصارت كمان عميانا
ده جند صغير يعطينا درس من جنود مولانا
خلي بالكم الدرس الجاي ما نعرف كيف مثوانا
صار الخوف ملازمنا وخلي القلوب تعبانا
لما بعدنا عن ربنا صارت اليهود أقوانا
مش عيب علينا نبقي مليار ونصف والغرب حميانا
ووخدين ثرواتنا وكل شئ من غير حتي رضانا
ومفيش صناعة ولا تجارة حتي الزراعة مش كفيانا
ما دام راح الضمير وضاع الدين والنفاق صار أعلانا
نبقي نعيش ليه ما دام الحياة سجنانا
كنا عايشين زمان فقراء لكن عين الله حرسانا
والقليل في إيدينا كتير من كتر البركه اللي ويانا
مهما عام الجنيه عمر الناس ما نامت جعانا
والكل عايش مع بعض في سعاده وفرحانا
مفيش غل ولا حقد ولا قلوب حسدانا
مع تحيات
إبراهيم حمدان
١٣/ ٥ / ٢٠٢٠ م