مشاعر ضيف ... للشاعر آسر الكلمات

#مشـاعر_ضيـف.،

_———————
وقالوا عن كلامي فيه زيف _ ونبض خفيف _
وترياق من وجع مسموم _ وفص هموم _
بصبر مخيف.

وقالوا عن غرامي ده طيف _ وحلم سخيف
واشواق من حنين مكتوم _ ووقت لزوم
مشاعر ضيف.

ونفس الضحكه بتعكر _صفا حلم الل كان يقراه،

تحس الدمعه بتفكر _ هتنزل امته تمشي معاه،

والاقي كلام بـيتفسر _ ما بين حب الحياه والليل،

اكيد ما انتي الل بتعودي_ وتنهي، كل ليل بحياه..

—->
دفا قلب الكلام عايز _ يكمل بيت ويوصف وصف،

ويبني في احتمال جايز _ يعبر لك حبيبتي بحرف،

ويكتب اسمك الطاهر _ على شمع الليالي بنور،

مفيش منشور بيـوصلك .، ويلقى بدايته آول صف..

——>
رساله في كل ما اكتبلك _تقول ان الكلام مفهوم،

وحاله في كل مكتوب شك _ يقولوا عليا كلي هموم،

ويفتكروا ان ده انسان _وعايش ضعف حلم عجوز،

ووقت ما دمعته هتثور _علي سطر الكلام ها يقوم..

——>
عيون الناس بتستني _يكون في العادي حبي كلام،

وناس في عيونها تتمنى _احنـي بكل حرف هيام،

ردود الفعل مختلفه _وانٰــا احسـاسي مش صدفه،

ولو معنى الكلام مفقود ...
اكيـد هتعود وتقرآني لسنين ادام.،

اكيـد هتعود وتقرآني لسنين ادام.،
_
—->
يقولوا عن كلامي فيه زيف _ ونبض خفيف
عشان وقت اللزوم بيـكون _ سحابه صيف.،
_____________
#آسرالكلمات