قربك عيد ... للشاعر جهاد الحكيم

_ قربك عيد
🌹♥️🌹♥️🌹
عمرى يا عمرى فى
قربك عيد
كل لحظه الشوق بيزيد
ياللى حبك خلى حياتى
شمعه عشانك بس تإيد
عمرى يا عمرى فى قربك عيد🌹

صورتك جوه فى قلبى أميره
إسمك رسمك هى السيره
نفسى أشوف فى عينيك الغيره
همزة وصل وساعى بريد
عمرى يا عمرى فى قربك عيد🌹

شفت كتير قبلك حبونى
شفت عنيكى لما خدونى
على باب قلبك ليه حطونى
أدق الباب وأسمع تنهيد
عمرى يا عمرى فى قربك عيد🌹

وإنت بعيده أشتاقلك أكتر
وإنت قريبه أسرح وأفكر
نفسى أقولك وأقدر أعبر
مين فى الدنيا زيىٍ سعيد
عمرى يا عمرى فى قربك عيد🌹

أسأل روحى وأخاف الصد
يا ريت فى عينيكى أشوف الرد
ضحكه بريئه وحمرة خد
ولمسه رقيقه برعشة إيد
عمرى يا عمرى فى
قربك عيد🌹

آه لو شفت الناس حواليكى
أو حسدونى عيونى عليكى
أجرى بروحى وقلبى أداريكى
تصبح ليكى جوارحى عبيد
عمرى يا عمرى فى
قربك عيد🌹

قالوا الشكل مالوش عنوان
قالوا القلب حجر صوان
قالوا غرامها جنان فى جنان
قلت القلب وكيف ما يريد
عمرى يا عمرى فى
قربك عيد🌹

مهما قالولى عليكى كلام
مش هيأثر فيا مادام
إنتى فى عينى أحلى غرام
يبقى كلامهم مش هيفيد
عمرى يا عمرى فى
قربك عيد🌹

يالا تعالى وشدى رحالك
قلبى الخالى هو مكانك
هابنيه جنه وقصر عشانك
ونعيش فيه العمر جديد
عمرى يا عمرى فى
قربك عيد🌹

بقلمي/ محمود رشدي
🌷 جهاد الحكيم 🌷