لا تنفخ حالك كتير .. للشاعرة المبدعة المتألقة د. ملك محمود الأصفر

لا تنفخ حالك كتير
........................................
لا تتأنزع على هالناس
والناس مانا شاريتك
إنته يا دوبك صغير
بس الأموال بإيدك
الناس بتترقى بأخلاق
التفاهة ما بتفيدك
وأحيانا أفقر هالناس
بيطلع سيد لسيد سيدك
......................
عم تترفع على هالناس
والناس مو دريانة فيك
ومو شايلتك من هالأرض
إدعي لربك يهديك
عم تعلا وتوطا عالفاضي
روح استحي عيب عليك
وتعلم تحترم الناس
حتى العالم ما تجافيك
.......................
لكبير كبير بأعمالو
وإنته سيئة أعمالك
فيق وصحي هالضمير
لا تضلك شايف حالك
لا تعمل آغا ووزير
العالم كلا إخوانك
ويمينك إذا عملت خير
لازم ما تدرا شمالك
...................
لا تنفخ حالك كتير
م الناس كلا شايفتك
إسلوبك إسلوب رخيص
ودوم منسمع قرقعتك
ولو كنت عن جد كبير
يعني سلامة معرفتك
كنت بتتواضع كتير
حتى تحسن خاتمتك
.....................................
د . ملك محمود الأصفر