القلب ليه مطفي ... للشاعرة الغنائية هنا ممدوح

القلب ليه مَطفي
وأنا شمعة متقادة
وهمومي على كتفي
قسمانى كالعادة

باحلم وحلمي كفيف
فإزاي يشوف النور؟
بتمنى قلبى يعيش
مايموتش يوم مكسور

العتمة ليه جوايا
بتدور كما الساقية
لو القىٰ يوم ضلايه
هاعيش حياة راقية

إية ذنبي أعيش مكسورة
وانا لسه في اللفة
على فرحة جات مبتورة
سرقوها ب الخفة

أنا راضية بالقسمة
ونصيبي شئ مكتوب
بس الحياة قاسية
جيالى ب المقلوب
#هناممدوح