وكبرنا خلاص ...للشاعر المتألق آسر الكلمات

#كبرنا_خلاص
——————-
وصوت الاهه م الاخر
بيوصف هم

وكبت الرد في قلوبنا
بينزف دم

ودق الساعه مستعجل
يعد سنين

ويوم الساعه بيقرب
ليوم الدين

وحاله من كساد الروح
لجرح اتشد ١٠٠ مره
بغرزه وهم

وفوق سطر الوجع درة
لنفوس بتروح

وموت الكلمه في بيوت
الضمير بـنـيــان

بنـالوا مقام - وباين فيه
قوام مجروح

لسرب حمام من الزاجل
لكنه ضعيف

بيهبط وقت ما يلاقي
الحقيقه تبان
لانه جعان

وخايف يوم ما يتحول
ويقطع ميل -جناحه يميل

فيلقى دمعته بالغصب
بتسقى -لقمته حــرمـان !.

كبرنا وشابت التكشيره
حتى كمان

وحتى نسينا ايه كانت
حياتنا زمان

رماد الماضي بـان فضي
ونوره وضحكته وردي

وكان له صوره بالالوان

لاول مره ب تكلم بروح
الشعر

وأعادي كل حرف استقوى
بنفوذه

وببعد حَبـه وأتأمل ليالي
الهجر

واطوف واقع كتير في حياتنا
بنعوذه،

بعدنا وضمت الغيبه
ملامح وشنا تجاعيد

بقينا بنقبل العيبه
وبنقدرها - لأ.ونزيد

ونــزرع فتنــه ف تنبت
جذورها تسمنا تهديد

فتعلا الموجه وننافق
ونحلف ان بكره العيد.،

ويكتـر كــل يوم فينـا
رزاز الحقد والغيره

فيكبر حبنــا للمــال
وحب الدنيا يعدينا.،

بلينا نفسنا بالــداء
كرهنا نحب بعضينا

بلانا ربنا بـــوبـــــاء،
ف بعنا روحنا بايدينا...،
ف بعنا روحنا بايدينا ،،.
————————
#اسرالكلمات

 — ‏‏‏يشعر بـ‏الحنين‏.