آخر محاولة للحياه
من قلب مات والنبض جواه اندفن
حطوه ف حبة ذكريات
وقالولوا دول هما الكفن
لسه المعافرة مع النوارس والزحام
والروح مسافره لألف باب
مبني على جدار اشتكى
طب مين حكى وانت اللي بتبيع البكا
طب كنت خليك في السكوت.
ماهو ضل يحميك م الكلام
واهو جه وراح من غير سلام
وكأني كنت ف سكته لحظة وصول
لحظة غروب
من سجن بس مفيش هروب
انا مش حقيقه
لحظة ودقيقة ف وسط كومة من الساعات
خانة ف دولاب مليان أغاني وذكريات
انا كنت دعوة للسما
بتطري عمر من الجفاف
بتقوي حلم ف لحظة خاف
انا كنت بحلم في الغرام حد الكفاف
مديت ايديا لخيط شعاع حلم الجياع
وجبة مشاعر تكفي يوم
دنا سلوتي في العشق كان حبة غيوم
ترمي المطر على قلب شقق م الجفا
على قلب مات ف التلج كان نفسه ف دفا
نوم الشوارع وصحبة العمدان خلاني اشوف
كل البشر تماثيل كل الكلام تمثيل
والمدح كان تحفيل
كرهت شوارع مشينا كل الخطاوي
ملّت ميادين المدن تسمع حكاوي
والشمس رافضة تبص للإنسان
والبحر قافل موجه ع الكتمان
رافض يكون شيزلونج للفضفضة
بعد اما كان بيساع
بقى للبشر بياع
والليل زهق م الناس ومل شكوتهم
شكّك في غربتهم بعد اما كان بيتهم
بالعودة للتصنيف كل البشر خاطيين
والتوبة مش صادقة
ابناء لقاتل عاش ضحية لفكرة انه مُدان
فيه الطمع إدمان
ياريتني كنت هناك ويا الغراب شاهد
أنا للحياه زاهد
ياريتني اكون إنسان
ذرية للمقتول ومكنش للقاتل
انا ف الحياة مسحول
اخرة كلامي حقول
آخر محاولة للحياه
دعوة فقير لله
#آخر_محاوله_للحياه
محمود عبد الرحمن
١٩ إبريل ٢٠٢٠
من قلب مات والنبض جواه اندفن
حطوه ف حبة ذكريات
وقالولوا دول هما الكفن
لسه المعافرة مع النوارس والزحام
والروح مسافره لألف باب
مبني على جدار اشتكى
طب مين حكى وانت اللي بتبيع البكا
طب كنت خليك في السكوت.
ماهو ضل يحميك م الكلام
واهو جه وراح من غير سلام
وكأني كنت ف سكته لحظة وصول
لحظة غروب
من سجن بس مفيش هروب
انا مش حقيقه
لحظة ودقيقة ف وسط كومة من الساعات
خانة ف دولاب مليان أغاني وذكريات
انا كنت دعوة للسما
بتطري عمر من الجفاف
بتقوي حلم ف لحظة خاف
انا كنت بحلم في الغرام حد الكفاف
مديت ايديا لخيط شعاع حلم الجياع
وجبة مشاعر تكفي يوم
دنا سلوتي في العشق كان حبة غيوم
ترمي المطر على قلب شقق م الجفا
على قلب مات ف التلج كان نفسه ف دفا
نوم الشوارع وصحبة العمدان خلاني اشوف
كل البشر تماثيل كل الكلام تمثيل
والمدح كان تحفيل
كرهت شوارع مشينا كل الخطاوي
ملّت ميادين المدن تسمع حكاوي
والشمس رافضة تبص للإنسان
والبحر قافل موجه ع الكتمان
رافض يكون شيزلونج للفضفضة
بعد اما كان بيساع
بقى للبشر بياع
والليل زهق م الناس ومل شكوتهم
شكّك في غربتهم بعد اما كان بيتهم
بالعودة للتصنيف كل البشر خاطيين
والتوبة مش صادقة
ابناء لقاتل عاش ضحية لفكرة انه مُدان
فيه الطمع إدمان
ياريتني كنت هناك ويا الغراب شاهد
أنا للحياه زاهد
ياريتني اكون إنسان
ذرية للمقتول ومكنش للقاتل
انا ف الحياة مسحول
اخرة كلامي حقول
آخر محاولة للحياه
دعوة فقير لله
#آخر_محاوله_للحياه
محمود عبد الرحمن
١٩ إبريل ٢٠٢٠
ليست هناك تعليقات:
إرسال تعليق